MYEE U GBAR-GBAR U AKAA A I DOO SHA CI U A ER A HANMAOR UMACE KENG KENG MAN A LU VOUGH Y
MZOUGH U ITYAR SHA WON CII GBAATOM U SAMBER A ABAVER
Mhii
ORNGEREN U VESEN
Ior cii i mar ve mba kwagh mom man maor va a va ga, shi maor ngu kpan ga. Mzough u Ityar sha won cii bum er, una er tom taveraa sha u hanmaor umace cii nana zua a mkpeiyol, nana de luun ken kpan ga. Tindi u vesen u mkohol u ityar sha won cii ne ka un a vande tesen er, ior mba sha tar cii soo er, orumace a de luun ken uikyangen ga man shi i t un gede gede kpaa.
Ken Myee u tar sha won cii, kwagh u i lu u a er a orumace ve a lu vough ne, Mzough u Ityar sha won cii r ken igbar man sha gbenda u wanger wanger er, ior cii mba kwagh mm.
Akaa a i doo u a er a orumace ne nga sha ci wou.
Akaa ne ka a ough je.
Fa a dedoo, i hoo we iyol a min. Wase u taver a min man kuran a sha ci wou man sha ci u orumace ugen kpaa.
MYEE U MLU U A DOO SHA A CI U U UMACE CII LA
Mnder
Er i fe er, icivir man mkpeiyol u ior mba ken tsombor u umace ka imaagh ki mlu u kpan ga man mer u ijir sha mimi man bem u tar cii,
Er se fe ser, mban u iko-iwan, man u nengen er, akaa a i doo u a er a orumace ve a lu vough la gba kwagh ga y, ka i er a or caveraa je i kera bee orumace ga, sha nahan y, isharen i vesen shin tar hegen y, ka u umace cii ma ve lu a ian u ron kwagh ken igbar, pasen jighjigh ve u nan, lun ken mlu u cian suluwa suluwa ga, shin ken ibanave kpaa ga,
Er i doo u a nzughul a ma kweior zan zan je a hingir u vea kera fa kwagh ugenegh u vea er ga, saa u moughun num a mba ve lu nan ve ican yum la y, hemba kan a inja u hanma tar u lu aa atindi aa a lu a iwasen sha u kuran ior mba ve lu isheer y, sha hanma gbenda u bo cii,
Er i lu semakwagh u kenden a mzehemen u mtem u bem bem u ityar sha won cii,
Er ior mba ken Mzough u Ityar sha won cii atindi a ve a seer taver jighjigh man mkepeiyol u umace man civir man ulum u hanmaor, nomsoor kua kwase cii ve lu kwaghmm y, ve wa ishima u taver mzehemen u ior man shi kenden a mlu u dedoo u uma vev cii gbar gbar,
Er ityar ii i lu ken Mzough u Ityar sha won cii ne, i tende zwa ayol a ve u eren tom ken mzough u dedoo, sha u taver a iko i wan man u kuran akaa a i doo u a er a orumace ve a lu vough la, man mlu u gbar gbar kpee y,
Er mkav u mbamkpeiyol mban man mbamlu mba ken kpan shio i lu kwagh u injaa u vesen sha cii u mfe u ityendezwa y,
Sha a ci u nahan y,
Mkohol u Vesen u Ityar sha won cii
ngu pasen ken igbar,
Akaa aa i doo sha ci u a er a orumace
keng keng man a lu vough y.
doo u ior sha won cii kua ityar i ve lu ker ia nongo tsung u umbur kwagh u vesen u i har sha mi ne, sha u tesen ken makeranta man shi u pasen ior er, doo u vea wa iko a mlu gbar gbar u umace shi vea nngo tsung er, hanma tar sha tseeneke u u, shin ua zua ave vea ityar igen, u kuran ityendezwa i eren a umace dedoo ne a hanmaor cii.
Ishember kwagh 1
I mar maor ken kpan ga, nan ngu a icivir man mbamkpeiyol cii. I na nan mhen man ishima i kaven kwagh; nahan gba keng u nana tema a orgen ken mtem u angbian a angbian.
Ishember kwagh i sha 2
Hanmaor cii doo u a er a nan sha inja sha awaishima u dedoo, cii je y, i soo er, i de nzughul a orumace er nan ngu kwase, shin nomsor, shin zwa u nan kaha, shin kwaghando u nan civir ngu kposo, shin mer pati u nan man imo i nan i nan sha kwagh kaha ga, shi i de tn ape i mar nan shin mlu a kwagh shin ibanave shin tsombor, shin indi shin isheer i nan hen ity i nzughul a nan ga.
U zan hemen y, a faity u van a mpav sha itykyaa i pati, mkor u tar, shin mlu u tar la a ityar igen u or la nan lu ker ga, aluer tar la ua lu sha tseeneke u u, shin sha ikyev i ugen, shin ua lu a tahav u hemen iyol i u ga shin sha hanma myina u lun a tahav iyol i u cii.
Ishember kwagh i sha 3
Hanmaor nan ngu a ian u lun uma, eren kwagh a mkighir shio man mkor u sha iyol i nan kpaa.
Ishember kwagh i sha 4
I venda kpan u kron, shi u kighir or er, nana shile orgen tom; kpan-kron man kpan-teen cii i yange gbindigh gbindigh.
Ishember kwagh i sha 5
I venda u eren or ican tsung, shin kron nan ihom. Hanmakwagh u a er a orumace er, nan hingir ishso cii i yange, aluer nan er kwaghbo u tsahan nan je kpaa, i tsaha nan er, nana hee ga y.
Ishember kwagh i sha 6
Hanmaor nan ngu a ian u hanma ijiir cii y, i er kwagh a nan sha er tindi a tese er i eren a orumace la vough.
Ishember kwagh i sha 7
Tindi ver ishigh er, ior cii ve lu kwagh mm man shi ve lu a ian u a kura ve er tindi a tese nahan, a msange u sha dooshima shio, ior cii mba a ian u kuran ve aluer ma msange u sha dooshima u i per un er Myee ne a tese shin u kenden ior asema sha imba i msange u sha dooshima la nahn y, ka sha mi ga.
Ishember kwagh i sha 8
Hanmaor cii a lu i er a nan vough ga y, ka hange hange u atejir u hen tar u nan lu
her la, kua atindi a tar la, a r ijir nahan a wam nan er tindi u tamen u tar la a tese y.
Ishember kwagh i sha 9
I de gbe kron maor sha apera, shin wuhen nan a u ron nan ijir shio ga, shin u kighir nan er nana za shir ken tar ugen ga.
Ishember kwagh i sha 10
Hanmaor y, gba u a r nan ijir vough er orgen nahan, sha mimi, ken igbar, hen atejir u sha tseeneke na, ua tesen mpav ga, sha u tesen ibo shin ish i nan, zum u i lu ron nan ijir la.
Ishember kwagh i sha 11
1. Hanmaor u i ker nan er, nan er kwaghbo ua kom mtsaha y, a t er nan ngu a ish zan zan saa a va tese ibo i nan sha mlu u atindi, sha mtev u ken igbar pe nan kpaa nana faity u paregh iyol i nan a kwagh u yangen nan shio y. 
2. Maor mm i de er nan ijir ne nan ibo sha makwagh u iyange nan er kpa tindi lu sha min hen shie la ga ze. Shi i de ne or mtsaha hemban u iyange ma i na nan shie u iyange nan er kwaghbo la ga. 
Ishember kwagh i sha 12
I de gbe wan uwegh sha kwagh u or u ken iuv ga, shin sha kwagh u kwase u nan kua mbayev, shin ya u nan, shin uwasika mba nan, shin u lamen dang sha icivir man gwa u dedoo u nan ga. Hanmaor nan ngu a ian i a kura nan sha imbazwa i wan man lamen dang la er tindi a tese nahan.
Ishember kwagh i sha 13
1. Hanmaor ngu a ian i zan hanpe nan soo cii, man teman ya pe nan soo ken tar u nan. 
2. I yange or shir u zan ga, shi aluer za kuma nan y, a faity u yangen nan u hiden hen tar u nan ga. 
Ishember kwagh i sha 14
1. Hanmaor nan ngu a ian u yemen shir ken tar ugen za keren mwar, man ka hange hange u tar u nan yem shir ker la ua kura nan. 
2. Kpa or u nan er ifer man nan lu yevese tindi y, a rumun nan u zan imba shir la ga. 
Ishember kwagh i sha 15
1. Hanmaor umace y, ka kpee u nana lu a tar u nana faity u yilan er, ka tar u nan y. 
2. I de kighir maor sha apera u lun hen tar u nan shin yangen nan u geman hingir or u tar ugen ga. 
Ishember kwagh i sha 16
1. Nomso man kasev mba ve hie cii mba a ian u eren ivese, maren nov, lun a ya ve, shin aluer kwaviyolough man tar man kwaghando vev vea kaha kpaa. Shie u ivese ne doo u vea lu lianaa or a hemba orgen ga, aluer ivese pav y, gba u a kar kwar vough. 
2. Ivaa-kangen ia lu sha mkighir ga, kpa a lu sha isharen i ve mba uhar mba ve soo ayol ave la. 
3. Ka tsombor u lu mhii u ikyuior ye, nahan gba kpee u ior cii man gomenti vea kura u. 
Ishember kwagh i sha 17
1. Hanmaor ngu a ian u lun a kwagh sha tseeneke u nan, shin zuan ave a ior mbagenev. 
2. I yange u gban yan or ishar ts. 
Ishember kwagh i sha 18
Hanmaor nan ngu a ian u lun a mbamhen mba nan, shi ka ishima i nan u eren kwagh u mhen u nan a tese nan y, kua shi u civir ando u nan shin jighjighnan u nan man u lun gbar gbar sha ishima i nan shin nana lu tswen shin nana lu ken ikyumior a mbagenev man ken igbar shin ken iuv kpaa nana tese ikyav i kwaghando u nan shin u tesen jighjighnan u nan hen mbagenev man nana civir shi nana kura atindi a kwagh u nan civir y.
Ishember kwagh i sha 19
Hanmaor ngu a ian gbar gbar i lun a mhen u nan man ron kwagh u nan soo y, ian ne i kua mba-mnenge mba nan a ikighir shio, shi i tagher nan ga u keren shin ngohol kwagh u nan soo man mhen u nana zua a mi sha hanma gbenda cii ken igbar.
Ishember kwagh i sha 20
1. Hanmaor nan ngu aa ian i eren mkohol man mzough aa ior mbagenev ken bem. 
2. Maor mm i de kighir nan u nyron ma mzough ga. 
Ishember kwagh i sha 21
1. Hanmaor nan ngu a ian u lun ken gomenti u tar u nan iyol i nan shin tsuan or u sha ishima i nan u tilen sha ityou ki nan. 
2. Hanmaor nan ngu a ian u zuan a akaa vough er orgen nahan sha ikyev i gomenti u tar u nan. 
3. Tahav ka ity. Tahav mbun i tese mbu sha ashie ashie sha u haan asangen, sha gbenda u vough, sha u nan mba ve kom u haan asangen cii ian u za kenden a nyighaa, shin sha ma imba gbenda ne igen i tsuan ior sha ashie ashie. 
Ishember kwagh i sha 22
Hanmaor nan ngu a ity, nahan gba kpee u tar u nan sha tseeneke u u, shin ken mzough vea ityar igen, er u feity la, ua sue nan ken ijime, sha er nana kure ugbaiyol mba nan sha kasua u eren, mtem u dedoo a ior man u eren aeren a ity, er i lu hange hange sha ci u kuran ulum man kumashe u nan la.
Ishember kwagh i sha 23
1. Hanmaor nan ngu a ian u eren tom, u tsuwan tom u nan kom sha mi y, u zuan a injar i vough sha tom, man i de deen er, nana lu a tom shio ga. 
2. Ortom kuma injar i nan, nan ngu a ian u ngohol injar kwagh mm a orgen, sha tom u ve er inja imm y. 
3. Doo u a kimbi injar i vough ia na or nana er tom ijen a ya u nan ga y, man aluer a nenge a doo y, a seer nan kwagh sha igbinda igenegh kpaa sha er, nana lu zel ga y. 
4. Hanmaor nan ngu a ian i hiin man shi nyron mbamzough mba mbatomov sha u nengen er, i er a nan tsembelee hen ijiir tom i nan. 
Ishember kwagh i sha 24
Hanmaor ngu a ian u zuan a shie u memen tsembelee, danen ishima sha tom, u zan memiyol sha ashie ashie, kpa ngohol injar i tom i nan hen ashie la kpaa.
Ishember kwagh i sha 25.
1. Hanmaor y, gba u i nenge er, mlu u nan lu sha mi la kuma u nana krcio u nengen sha iyol i nan kua tsombor u nan sha gbenda u nan ve kwaghyan, ikondo, ya man sron ve shie u ve gbe angev, shi eren akaa agen kpaa sha ci u mkpeiyol ve y, shi gba u i nenge er, or ngu a kwagh u waren uma a mi zum u nan lu a tom ga, nan gbe angev, nan gbe iwan, shin kwase u nom u n